"Real Madrid"in sabiq hücumçusu Mariano Dias karyerasını İspaniya ikinci divizionunda davam etdirə bilər. 

Fanat.Az xəbər verir ki, məlumatı “Todofichajes” yayıb. 

Mənbənin məlumatına görə, 31 yaşlı hücumçu "Tenerife" klubunun maraq dairəsinə düşüb. Komanda hazırda Sequndanın turnir cədvəlində sonuncu yerdədir. Klub rəhbərliyi ümid edir ki, Diasın transferi komandanın mövqeyini yaxşılaşdırmağa kömək edəcək. 

Mariano ötən mövsüm "Sevilya"nın rənglərini qoruyub. Hazırda klubsuz olan hücumçu ötən mövsüm İspaniya La Liqasında 9 matçda meydana çıxıb.